Hagnýtar upplýsingar um hurðir

Hurðir eru í stöðluðum stærðum nema um annað sé samið. Athugið að eftirfarandi mál eiga alltaf við steinmál hurðargats, ekki mál á eldri hurðum eða körmum.

Breidd

Hæð

• Hæð hurðargats frá gólfefnum þarf að vera á milli 205,5–209,5 cm þar sem notaður er þröskuldur.
• Hæð hurðargats frá gólfefnum þarf að vera á milli 204–208 cm þar sem notaður er felliþröskuldur eða enginn þröskuldur.

ATH: Þar sem er notaður felliþröskuldur eða enginn þröskuldur er gert ráð fyrir að saga 15 mm neðan af körmum.

Veggþykkt

Þykkt hurðarkarma nær 1 cm í sitthvora áttina og hoppar á 2 cm bili. T.d. nær 12,5 cm karmur niður í 11,5 cm og upp í 13,5 cm, og 14,5 cm karmur nær niður í 13,5 cm og upp í 15,5 cm.

Leiðbeiningar um uppsetningu

Ef um sérpantaðar hurðir er að ræða getur uppsetningarferlið verið öðruvísi.

1. 1Berið merkingar á umbúðum saman við veggmál og opnun, þ.e. vinstri eða hægri.
2. 2Berið trélím á samsetningarfletina og skrúfið saman karminn með plasttöppunum og skrúfunum sem fylgja. Sláið síðan spennur í raufirnar á hurðarkarmi.
3. 3Stillið karminn af í dyrunum og notið fleyga til að skorða hann af. Þaðan af eru hurðarþvingur settar í karminn.
4. 4Sprautið festifrauði á milli karms og veggjar á móts við þvingur.
5. 5Þegar frauðið er þornað er gereftinu rennt í raufina á karminum.
6. 6Stillið lamir á hurðarkarmi og festið með sexkanti í gegnum göt á hliðinni.
7. 7Rennið hurðarspjaldinu ofan á lamirnar á karminum.

Ef einhverjar spurningar vakna hafið samband við sölufulltrúa — verslun@hvv.is · 567-1010